AlpViram

Subah abhi hui nahi, kuch samay baaki hai,
Abhi to wo soya hai, jiski neend ab saaki hai,
zindagi ke nashe se choor hokar hokar jo soya hai,
thoda sa hansa tha, thoda sa roya hai,
aaj zara aur sone do use jisne ek sapna boya hai.

Abhi na jagao use, abhi na chedo use,
der tak jaaga tha wo, abhi to soya hai,
na jaane in gardishon mein kab se wo khoya hai,
thoda sa hansa kabhi, thoda sa roya hai,
maile pade apne chehre ko ansuon se dhoya hai,
muddaton baad usne,ek sapna sajoya hai,
aaj zara aur sone do use jisne ek sapna boya hai.